期待已久的反彈，昨天終於出現了，唔知各位戰友有冇受惠，係博反彈定係減持，已經講過好多次，唔再長氣了，昨天看到財演話要保持冷靜，不要作不理性低沽行動，呢個的確係黑色幽默，近期的情況係，今天低沽，明天就變了靚止蝕，因為你就係保持唔想低沽的心態，先會見到隻貨深潛兩成三成四成架啫，青冰以往都講過好多次，到價做野，如果那一刻覺得痛，就分兩注沽，起碼沽咗底即反彈，心理上都冇咁傷。
近日青冰好似懶咗喎，少咗出文，係嘅，係少咗但唔係懶咗，市照睇通告照刨，但個mode已經轉咗，在牛市旺市，每個消息每個通告，你比其他人快一點理解及作出反應，就是致勝關鍵，但在熊市衰市，你愈作出反應，似乎就是致命被套了。試想想過去幾星期，內地財政更積極，重點開發西部，新能源減稅免稅，人行出手出口頂人仔七算，貿易戰日日新鮮的新聞，跟到人都癲，但相信跟到貼，伏的機會也頗大，那倒不如轉下mode，坐後一點，慢慢將手上的爛牌打番出去，做番好副牌，慢慢再等機會吧。
出少咗post，係因為責任啊，你懂嗎??🤣🤣🤣🤣🤣🤣
Search